杜拜世界拖數事件震散港股，上周五大市成交激增過千億元，由於未知事件影響有幾大，股民在不明朗情況下先沽為上好正常，而且近幾個月港股缺乏大調整藉口，今次淡友可謂行尾運。
星俠以為，去年雷曼事件已為市場提供教訓，所謂前車可鑑，聰明人已經學精，金融市場再有嚴重危機，相信都唔會差得過雷曼爆煲。不過，市場輿論往往營造恐怖氣氛，應付呢種市況好考個人獨立思考能力。
昨日傳出,阿布扎比會向杜拜世界提供財務支持，但就不會為債務包底，總算是向好發展。今次杜拜世界事件令港股大調整，可能係一次難得低位買貨的良機，但把握能力如何？好睇散戶自己功力。
股市暴瀉，近期表現不俗的中國鐵鈦（893）亦難免要跟個市跌，上周五股價跌5.8%，收報4.70元，失守10月底以來建立之上升軌，短線料繼續尋底，撈底莫心急，可吼股價跌至4.30元水平才買第1注，在4元買第2注。
中國鐵鈦業務產品，目前市場選擇唔多，故有一定賣點，10月初上市以來一直有基金捧場。
方星俠