入行超過20年的鄧建明（Joey）前晚舉行首次個人演唱會，台上溫情洋溢，除了送歌冧太太外，又與8歲兒子同台演出。擔任嘉賓的側田甫開腔獻唱即走音，之後Joey拿側田和曹格的醉酒打架事件來開玩笑，兩人合唱爭女歌《Crystal》時更在台上推推撞撞，非常搞笑。
太極樂隊成員鄧建明入行超過20年，前晚他在九龍灣StarHall舉行首次「JoeyTangGuitarHeroLive2009」演唱會，張學友和黎明等送上鮮花，梁漢文和劉欣宜等往捧場。
鄭中基講爛Gag
首次單飛開騷的Joey邀請了多名後輩擔任表演嘉賓，當中包括RubberBand、麥家瑜、鄭中基和側田，鄭中基甫出場即大玩爛gag，以諧音笑指Joey「病冷親」，又表示要幫他「吹」，之後搞笑地拿出一把風扇為Joey吹起長髮。
Joey介紹側田出場時說：「有條友成日叫我JoeyUncle，但我睇佢身份證年紀同我差唔多，佢就係田世姪。」隨後Joey聯同太極隊友劉賢德和側田齊齊合唱《一生不再說別離》，豈料側田一開聲就走音，及後Joey又拿側田和曹格的醉酒打架事件開玩笑，又要和側田合唱太極的經典爭女歌《Crystal》，兩人邊唱邊在台上互相推撞，笑爆全場，然而側田明顯較避忌，除了表示不敢與Joey爭女外，更笑說：「我會記得保護我嘅重要部位。」
個唱尾聲，Joey即大晒溫情。在台上答謝父母對他的支持時，更感觸得眼紅紅，他指因父親送上收音機才令他認識音樂，他笑說：「我聽英文歌識英文，當中有歌詞講makelove，啲長輩聽到就叫我不如讀多啲書，我就話人生冇makelove唔緊要，最緊要有原子粒。」
及後Joey更送上冧歌給太太，並說：「我成日話有壓力，出去飲嘢，返到屋企又嘈醒人哋，多謝佢咁多年嘅鼓勵。」Joey更與8歲愛兒鄧朗堯同台演出，愛兒更大玩非洲鼓伴奏，贏盡掌聲。
採訪：馬建華
攝影：陳慧安
