今日可能係歐洲球季開「咧」以來，波友最期待嘅一天，3場精采嘅打吡戰同日緊接上演；今日重心捧英冠卡迪夫城，打垮唔識教波嘅堅尼嗰隊葉士域治。
成日強調普羅馬迷球迷，小注博彩幾時都要講值博率。足智彩目前幾近將全部開盤賽事配上「讓球主客和」，好明顯呢個玩法對莊家極為有利，始終開3瓣中彩難度大咗，唔使好似「讓球」盤咁，俾人睇準大注出手令盤口極為波動兼易煲中損手。再講，「讓球主客和」賠率拉散好分咗，一定會受到大眾歡迎，小弟一向都唔鼓勵波友大嗱嗱吓吓攞兩嚿水，買「讓球」盤諗住食半格，太犯本咯。
打吡博阿仙奴巴塞
明白波友喺今晚呢類大賽日投注同睇波意欲高漲，我重心建議捧英冠強豪卡迪夫城，作串射各場打吡大戰嘅過關膽。班波無疑近期氣勢回落，3戰不勝兼近兩戰作客連敗；但始終深具實力，加上主力傷兵幾近全康復包括射手保夫萊特；碰上由踢波一流教波九流嘅堅尼領軍嘅葉士域治，對手到上周四借用限期前仲要從水晶宮借得老鬼射手約翰來投，而門將一環因老樸要提早收回穩健嘅比高域，要焗住用番不穩嘅前英國家隊門將李察胡禮；咁嘅處境，無怪乎今季踢咗17場聯賽只得1勝。
勿憧憬過氣名牌嘞，呢場卡城1.7倍主W穩開；配腳膽博膽，捧阿仙奴同巴塞勝[-1]，好分到震！（下次見報日：周二）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日31卡迪夫城勝（1.7）
星期日31卡迪夫城勝[-1]（2.9）x星期日32阿仙奴勝[-1]（4.8）x
星期日43巴塞隆拿勝[-1]（2.85）3x4
簡評：何妨博超冷「讓球主客和」