民主促進會同多個泛民團體，噚日喺理工大學合辦研討會傾政改諮詢文件，泛民各路人馬濟濟一堂，互相交鋒，被形容為近年罕見「武林大會」，由於團體都在網上動員市民參加，所以吸引唔少人到場，全場滿座，場面墟冚，氣氛熱烈。
主持找不到演講廳
呢個「武林大會」討論香港民主大業，點知卻俾學者指「其身不正」，口口聲聲要求政府交出路線圖，泛民卻連一張路線圖都冇！此話何解？話說新力量網絡研究總監葉健民應邀做研討會主持，點知佢到場後，話差啲搵唔到舉行研討會嘅演講廳，泛民有口話人，卻冇口話自己，應該交出路線圖先啱，否則行錯路唔知點算。
理大規模可觀，平日少在校園出入嘅人，唔識路好正常，葉健民又話由此可見，普選路線圖真係討論政改關鍵問題，否則市民唔知如何達致普選，又點討論下去？就算政府花大量人力物力辦諮詢，亦冇實際意義可言。