謝安琪（Kay）、農夫和吳雨霏（Kary）等昨日在維園出席「基本法齊Fun享嘉年華」。談到徐濠縈早前為老公陳奕迅（Eason）和Kay的緋聞抱不平，還替阿Kay不值，指一切緋聞皆因樂壇爭獎而起。
「變咗驚弓之鳥」
問Kay可有留意？她坦言：「覺得佢（徐濠縈）好正義，有時作為歌手，唔係好方便回應同有怨氣，好多嘢未必可以用言語交代到，好多謝佢咁正義，講咗一番肺腑之言，特別佢講到頒獎禮係可以喺好和平氣氛下相處，我都真心覺得係。」問到阿徐的敢言，她可以做到嗎？Kay說：「我只係覺得佢講嘅說話好值得大家注意。」
阿Kay又讚阿徐有型，提到阿徐指某些唱片公司有幕後黑手炒作緋聞，問阿Kay同不同意？她說：「其他嘢我唔回應，雖然同阿徐唔熟，但一向都好欣賞佢，覺得佢好有型。我擅長係唱歌，唔係講嘢，但都好多謝佢（指阿徐）好多嘅支持，真係好有心。」
對於阿徐開聲替她不值，似欲為她與Eason的緋聞畫上句號，會否感到鬆一口氣？Kay直言：「一般啦，今年有好多唔同嘅新聞，真係有少少變咗驚弓之鳥，一件未完又另一件，覺得好無奈，點都影響心情。」
談到Kay的丈夫張繼聰都透露開始受不了這些新聞，她笑言：「張僧人講嘢一向好幽默，呢啲嘢冇人想受，希望是非快啲遠離，娛樂圈係需要健康啲嘅風氣，我相信讀者會明白嘅。」
採訪、攝影：胡比