【上月盟主】
西甲再次喺電視台直播，對球迷嚟講又多咗一個選擇，尤其今周重頭大戰巴塞隆拿大戰皇家馬德里，西甲賽會亦決定將開波時間提前，香港時間凌晨2點上演，對香港球迷當然係好事。
其實，皇家馬德里早前曾經派代表到中國，並且希望爭取西甲嘅開賽時間推前，以遷就亞洲市場嘅直播，等當地嘅球迷唔再捱夜，同英超睇齊。當然，要過到西班牙當地球迷嗰關至得，話晒入場球迷都好重要；如果為咗多啲海外球迷睇到比賽，因而入座率減少，相信比賽氣氛下降，水準亦會相對受到影響。
馬拉加包艇聽炒
皇家馬德里同巴塞隆拿肯定係西甲嘅擂台躉，觀眾亦希望多啲欣賞兩隊嘅比賽，要喺現場同電視直播之間作出平衡，其實可以將兩隊嘅比賽開賽時間多啲放喺凌晨12點；因為英超Big4大戰，也不時放喺呢個時段，對於亞洲球迷嚟講絕對可接受。
至於今周重點推介放在西甲嘅西維爾身上，主場對榜尾嘅馬拉加，絕對有能力贏兩球或以上，開出[-1]「主勝」。西維爾是筆者除皇馬及巴塞外，近兩年較喜歡的西甲球隊，踢法同樣以進攻為主，對睇波球迷嚟講，絕對賞心悅目。雖然佢哋周中歐聯分組賽輸俾烏尼雷亞，但唔好忘記，佢哋已經出咗線，而輸波反而仲好，今周聯賽肯定大打爭氣波，搵馬拉加出氣。
除咗路爾斯法比安奴同埋簡路迪實而不華外，迅速崛起嘅翼鋒柏洛迪亦值得注意，佢今季已經入咗3個聯賽入球，絕對係西維爾嘅新武器。以西維爾咁多攻擊點，相信可報上季主場輸俾馬拉加0:1之仇，大炒一場，一於「主勝」作重心。
戰鬥員A
近5場往績：LWLW