自從去年新地爆出逼宮事件，郭炳湘由主席變咗做非執董之後，郭太李天穎亦變得好低調，一年到晚都唔見佢出席幾多個公開場合。
不過低調唔代表唔關心社會，作為「生命熱線」嘅主席，郭太邀請咗印度時裝設計師BinaModi帶埋佢嘅手造刺繡時裝，下星期三、四喺四季酒店二樓VictoriaRoom義賣，部份收益撥捐生命熱線。聽講城中名太好似朱玲玲、JoyceMa等，都捧過BinaModi場，唔知今年義賣，佢哋會唔會現身掃番幾件？公關Sharon話，呢個義賣幾乎成為郭太一年一度嘅指定動作，已經辦咗好幾年，反應一直幾好。