獅子銀行又受打擊。原來所謂分散投資風險，依然危機處處。北美不濟，歐洲低潮，原來連中東佬大把油都出事，睇怕今次又要撇賬。再一次證明喺銀行股呢個板塊入面，隻獅子真係傷元氣不復當年勇，高增長不再；長擺諗住畀後人收息，未必再係好選擇。傳統智慧也要懂變通時，唔通學嗰齣《2012》話齋，我哋前途要北望神州，等機會低吸正回吐嘅內銀股？
中東資金未必一定係好，足球場上何嘗唔係！英超老樸越搞越亂，啱啱又搵咗個以色列人擔大旗，陣中不乏好手但冇用，睇怕注定要喺護級漩渦掙扎，今晚迎戰剛喺歐聯輸面子戰嘅紅魔，聽炒都得咯。
蘋果波神
近5場往績：WLLLWL
讓球主客和：曼聯勝[-1]
心得：老樸亂過中東