油尖旺區議會「關注色情問題工作小組」前晚開記招吹噓掃黃政績，仲call埋警察帶隊直擊架步，任傳媒影埋坐喺床上等候被帶走嘅被捕女子。
政客做騷做到咁，引起網民強烈不滿，噚日喺facebook開group聲討！（ http://www.facebook.com/#/group.php?gid=198798632712&ref=nf）
呢個「抗議油尖旺區議會為建功立業，做show侮辱性工作者、違反人權」group內，網民發起一人一信行動，向區議員、保安局、警務處、監警會投訴做騷行為可恥，因為所有未被定罪人士都應該被視為無罪；任人拍攝係肆意侮辱被捕人、無視被捕人不欲身份被知悉嘅權利。
工作小組主席許德亮回覆網民話，掃黃行動係警方安排，又話覺得有被捕女士喺單位內畀傳媒影相，做法有唔啱。八方認為，如果唔係你班區佬要做騷，警察都唔會畀傳媒入去影啦。