森美同小儀呢對最佳拍檔，兩個都吸金力強，不過森美就仔都有埋，有個幸福家庭，小儀就一日到黑俾佢拍檔笑嫁唔出，認真陰功。
雖然之前曾傳過小儀同Donald拍拖，不過都係傳啫，Donald仲講過「如果佢冇人要我先啃咗佢啦！」前嗰排小儀放咗一個禮拜大假，原來有景轟，秘密同個男伴去日本旅行！
曾與Donald傳拍拖
有讀者熱心報料，話禮拜日（22日）見到小儀同個肥肥哋嘅男子喺機場出發去日本，日本最容易撞到香港人，澀谷嗰間ShibuyaExcelHotel直情就係港人熱點，有人就喺酒店見到小儀同呢個男子住埋一間房，仲話睇真吓呢個男子好面善，好似就係幫小儀出過書嘅出版社嘅人㖭，小儀密密實實拍拖，認真鬼馬！