神神化化的過氣樂壇白馬王子蔡楓華又獻新猷，他前晚出席Cash晚宴，自稱遭黑社會打傷右眼，卻未見傷痕，又數度強調「政治、黑社會唔好扯落娛樂圈」，指自己永遠是藝人，永遠都在娛樂圈。不過他返回元朗寓所的過程，行為舉止又像是特務上身般小心翼翼。
久未露面的蔡楓華前晚以會員身份，到會展出席「2009Cash周年晚宴暨金帆音樂頒獎禮」，他一身黑衣打扮配以黑超，漫步入場。未知大會是否怕他太搶鏡，安排他坐在角落一席，背向舞台，附近更有人站崗，隨時配合他的需要。
稱內地搞演唱會
蔡楓華坐到完席拿着大會紀念品離去，被要求接受訪問時，他煞有介事地說：「有乜想傾？」記者表示想談談其近況，他忽然脫下黑超指着右眼說：「我隻眼係俾人打傷o架。」但現場見其面上無傷痕，他又接着說：「我只能夠講唔好再將政治同黑社會扯落娛樂圈，我永遠都係藝人，明唔明白？」令人莫名其妙。問他被誰毆打？他竟說：「俾黑社會，政治、黑社會、藝人，佢係咁講！」
蔡楓華聲稱已報警，問他在哪裏被打，他一輪嘴說：「邊度唔講得唔得，遲啲再同你哋講，我係一個藝人，邊個係主謀，大家心中有數，我今日嚟Cash係因為1981年我加入Cash，好耐都冇面對記者，今日好多謝大家都喺度，你哋聽日後日寫乜嘢我都冇所謂，我永遠喺娛樂圈，我要再講一次，政治、黑社會唔好扯落娛樂圈，我只不過係藝人，蔡楓華只有朋友，永遠冇敵人，行兇嘅人會將佢繩之於法，係咁多。」
蔡楓華說罷即走往的士站，記者上前問他近來有何工作，他說：「做緊製作，喺內地幫人搞演唱會，我永遠都係娛樂圈嘅人，永遠都喺度。」然後他又仰天說：「我要坐的士！」
返家頻兜圈轉車
蔡楓華坐的士期間全程俯身向前跟司機說話，指手畫腳似在提供路線，的士在旺角兜圈後，蔡楓華於登打士街下車，再轉乘另一的士到西鐵南昌站，落車後站了一會才前行，其間眈天望地，最後往乘西鐵，當時車廂人多，不過其他乘客沒有理會他，住元朗村屋的蔡楓華在錦上路站下車後轉搭綠色的士。整段歸家行程，蔡楓華有如特務上身，表現得小心翼翼又戰戰兢兢。
採訪：馬建華、黃文偉
攝影：林德雄、朱志聰