馬會終開放盤口，今天心水亦係第一場，捧大阪飛腳推倒坐咗一個禮拜榜首嘅鹿角，下盤兼冷W任選，但不建議賭受讓得更多嘅[+1]。
時代唔同，幾時都應該係要還顧客一個選擇，你嫌污穢嫌阻碇，唔鍾意買報紙，將來咪科水訂網上版或者手機版，睇鍾意睇嘅新聞。賭波都唔應該要焗賭o架，足智彩推出多年，終於畀波友多個選擇，開放盤口。想賭讓球盤最低消費要兩嚿水，或者十蚊都得嘅「讓球主客和」，任君選擇。波友或者覺得花多眼亂，只會係因場數太多賭得太濫；要認清目標，吼準出擊，如果唔係呢筆由朝玩到晚嘅娛樂費都幾驚人，就算對各地波軍情都熟，都冇咁多心力咁多注碼啦！明日歐洲戲碼強得多，今天心水反而放喺早場賭日本波，將希望放喺大阪雙雄。
博櫻花大炒岐阜
飛腳上周前冠軍賠率冷到30倍，估唔到原「1哥」前鋒又玩腳軟，令前者喺剩番兩周聯賽，重燃微弱嘅爭冠希望。別無他想，今天作客務必要先贏目前排榜首嘅鹿角，再望前鋒繼續失分，賠率既然吸引加上班波當銳；反而鹿角下半季其實表現平凡，不下注飛腳[+1]因值博率唔高且和波已幾可宣佈爭冠夢碎。至於日乙強豪櫻花已穩得升班一席，今季最後一次主場亮相，對近期狂傲嘅FC岐阜，博大炒主場謝擁躉全季支持。
（下次見報日：下周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六1大阪飛腳(下)x星期六8大阪櫻花勝[-1](2.05)
星期六1大阪飛腳勝2:1(8.5),鹿島鹿角和2:2(12)x
星期六8大阪櫻花勝4:1(16),5;1(40)2x3
簡評：今日早場直播好睇好賭