古天樂與吳君如主演的賀歲片《花田囍事2010》在內地番禺拍攝了一段時間，兩人在戲中發展感情線，當中有一場戲講述古仔要向君如示愛，但對他不過電的君如惟有用武力解決，兩人以詠春功夫較勁，大玩黐手。
古仔說：「其實我唔識詠春，所以導演專誠請咗兩位詠春師傅嚟教我同君如。」
「一掌打落我心口」
君如與古仔初時以為學詠春黐手好簡單，不過是四隻手推來推去，但做起上來才知道不容易，古仔笑說：「君如好茅，成日趁我唔為意暗算我，佢鍾意一掌打落我個心口，俾佢打到氣咳！」君如則表示：「今次拍呢套戲，喺愛情路上升咗呢，上次拍《家有囍事2009》，百鳴就安排我咀古仔，今次仲直頭要我請古仔食檸檬拒愛，呢場戲幾難做o架，因為我好肯定冇幾多個女人，可以拒絕古仔呢個靚仔。」 撰文：葉雪