早前被本報影到被陶喆冧爆錫面的美少女廚神岑潔儀（Zoey），前晚在中環出席D-mop×GroundZero活動。她直認得陶喆緋聞之助，知名度提升，即時表明不介意性感，她說：「我知市場需要，唔全裸就OK，比堅尼係底線。」
保持聯絡
話題順勢連到陶喆時，Zoey說：「仲有keep住聯絡。」但Zoey之前公開數臭陶喆，她即說：「我冇數臭佢，一定唔會，一定唔會，一定唔會。我好欣賞佢，好鍾意佢呢類型。」問到送甚麼聖誕禮物？她即明白市場需要，大講特講：「想送個心畀佢，唔知佢會唔會要，佢乜嘢都有，都想將自己送畀佢。」
此外，同場出席活動的貝安琪就透露忙於宣傳自己的瑜伽DVD，她之前被影到和尹子維在派對中錫嘴，昨日卻將男方降呢成朋友，她說：「做住朋友先啦，佢都好忙，我真係冇人追。」
採訪：羅慧敏
攝影：陳俊強