謝天華昨日於新城電台接受薛家燕主持的節目《粵港越流行》訪問，家燕姐爆天華於下月4日無綫頒獎禮中會戴過百萬鑽飾，天華表示從未試過戴上如此貴重的鑽飾，他說：「未試過戴咁多鑽飾喺身，有戒指、手鏈同心口針，不過我都覺得男士要揀番比較男性化啲嘅鑽飾，衫方面亦都搵到YSL贊助，都成六位數字。」
向網友拉票
天華表示十分滿意今年的工作成績，加上獲得提名最佳男配角已心滿意足，他說：「邊個攞獎都冇所謂啦，總之都有信心，希望啲觀眾可以上網再投我一票。」問到可有信心勇奪男配角獎及我最喜愛的電視男角色兩獎？他說：「都有信心，印象中阿佘當年都同時攞咗兩個獎，我覺得係對藝員一個鼓勵。」
問到今年是否收入大增時，天華說：「今年真係多咗工作o架，但收入冇去計，等我哋搵會計計吓再話你知呀。」
採訪、攝影：王崇穎