隨着氣溫轉冷，愛剝衫晒咪咪的o靚模見報機會已大不如前，陳若嵐（Melody）為求自保，學ECupBaby轉型唱歌，Melody的經理人更決定明年大灑銀彈谷她闖樂壇，故她近日勤力練歌。
今年盛夏o靚模一窩蜂出水着寫真，入冬後工作量驟減，o靚模們又另謀打算，繼劉欣宜（ECupBaby）率先自封「Sing模」後，周秀娜早前也嚷着唱歌，陳若嵐日前也表示獲經理人全力支持進軍樂壇，明年樂壇便多了一班o靚模生力軍。
農曆年後出碟
Melody曾聽過ECupBaby唱歌，對於勁敵的歌藝，她說：「佢唱歌OK啦。」但Melody卻避談周秀娜。問到Melody屆時以甚麼形象會歌迷，她說：「我會用性感又靚嘅新形象見大家。」到底如何在一眾Sing模中突圍而出？Melody說：「我會喺歌藝上落苦功，形象又會以新鮮取勝，其實我一直都有學唱歌同跳舞，公司話出年農曆年後會同我出碟，趁呢段時間，我會用心練好啲歌。」
向陳慧琳學習
據知Melody所屬公司會斥逾百萬為她裝身，她獲悉經理人厚愛即喜出望外，她說：「公司花咁多錢幫我，就梗係要更加畀心機，我好希望可以包裝到好型，最好好似Kelly（陳慧琳）咁，佢係我仿效目標，Kelly除咗人靚歌甜，佢做人處事都好值得我去學習。」Melody希望處女之歌是一首慢板情歌，希望用歌聲冧爆歌迷。
採訪：比華利 攝影：陳俊強
場地：八戶日本料理