一班o靚模周秀娜、Lavina紛紛拍攝2010年月曆先搶未來錢。有線電視的19名主播及演員也不讓她們專美；為迎接有線明年開台17周年及重奪英超直播權，早前就為公司拍攝了一輯疑似裸露的月曆，當中以陳啟泰的身形最fit。
有線電視明年可算雙喜臨門，既獨家播映2010世界盃，又重奪失落多年的英格蘭超級足球聯賽播映權，為配合連串體壇盛事，有線近日找來19位旗下主播及演員包括新加盟的陳啟泰以及鄭文、劉明軒、余詩敏（Sammi）和區永權（Albert）等，在荃灣總台拍攝了一輯疑似裸體的2010月曆。
報紙遮重要部位
為求做到半裸效果，拍攝時男士只能穿上孖煙囪，女士就以tubetop上陣，然後用報紙遮掩重要部位，有線電視發言人岑小姐說：「既然要拍就要去盡啲。」
出乎意料之外男士比女孩子還尷尬，Sammi接受電話訪問時笑說：「着咗衫出嚟嗰陣班男仔都好閃縮，特別係有肚腩嘅陸浩明同Albert，反而女仔就好大方。」
男仔怕現豬腩肉
另一位主播鄭文則說：「啲男仔仲驚走光過我哋班女仔，我哋就打好晒底，佢哋可能驚俾人見到啲豬腩肉。阿Ken哥係最fit嗰位，而女仔我就覺得史澤雅身材最好。」Albert解釋說：「因為結咗婚之後肥咗好多，而且好似得條底褲咁肉帛相見梗係尷尬。」他跟陸浩明笑言，雖然拍攝前不停做掌上壓谷胸，但仍於事無補。
採訪：何永寧