熊黛林獲確認城嫂地位，額外風騷。她昨日回味10年光景，由城城南京影迷，變成城城香港好朋友，她直言感意外。同場的師妹Baby，愛情事業難兩全，失落表示因太忙，和陳偉霆已少聯絡兼疏離。
熊黛林、Angelababy兩師妹和鄭嘉穎昨日在尖沙嘴出席活方商場開幕禮，穿上JimmyChooforH&M單肩黑裙的熊黛林，透露明晚會為台灣金馬獎任頒獎嘉賓，她說：「第一次頒獎，好興奮，好緊張，噚晚已經開始失眠。」台灣女星出名打扮性感肯博，熊黛林表明不會鬥性感，她說：「一定唔會，天外有天，我今次揀咗Valentino，高貴大方，靚就OK啦。」
大讚扮相有型
今年4月熊黛林出席香港金像獎穿Dior谷胸上陣，卻不慎走光露點，問她可是因此額外小心，她依然不認走光說：「上次Dior係宮廷式，今次係fashion，上次冇諗過咁遠都會見到啲膠紙，今次唔會咁大意。」
郭富城新片《風雲2》上映在即，她表示會自掏腰包買票去戲院捧場，她說：「好期待，因為10年前睇過第一部，好好睇。」隨即讚揚片中多個角色，更大讚城城藍髮扮相有型，事隔10年她由睇明星城城，變成城城好朋友，她都揚言感意外，她說：「幾意外，10年後我嚟到香港，幾意外。」
Angelababy之前留在內地拍《花田囍事2010》及在日本近個月，連男友陳偉霆（William）的生日都錯過，問她補祝男友生日未？Baby聞言即變臉，由開心變得失落，欲言又止說：「我哋好耐冇見喇。」又說：「我都知道呢一年好多時間唔喺香港，返嚟日日都開工。」
Baby與William疏離
問是否暫時分開，Baby無奈說：「Keep住係朋友，不過通少咗好多電話。」工作忙致感情疏離，她說：「都係，一來冇乜時間喺香港，順其自然啦，聖誕都係喺日本做嘢。」更表示相信聖誕William也不會有驚喜給她。
採訪：LawWaiMan
攝影：EdwardChou
