唔少人都覺得杜奧巴啲態度好乞人憎，尤其係車路士嘅敵對球迷，但我求大俠就唔係咁睇。早前呢位科特迪瓦前鋒喺酒店搞咗個慈善舞會，除咗請班車仔隊友好似安歷卡、祖高爾、艾辛、泰利同艾殊利高爾出席，仲即興同埋同鄉沙洛文卡勞、伊保爾，上台同美國著名R&B歌手Akon跳舞。唔知係咪受肋骨傷患影響，搞到杜奧巴跳起上嚟縮吓縮吓，真係幾搞笑。杜奧巴搞呢個舞會，目的係幫佢個基金籌款；而早前佢以個人名義，捐咗300萬鎊喺非洲起醫院，幫助有需要嘅人。佢咁有善心，抵讚！球迷睇吓杜奧巴點跳啦： http://www.youtube.com/watch?v=ZTBGrauv93k