花旗股市前晚繼續向10500推進，道指升30點收市，噚晚係感恩節假期美股休息，今晚半日市好大機會向好，因為近排都係玩美元與美股走勢相反，前晚歐元兌美元向上突破，短線推向1.55，花旗股市有機會借勢抽高。港股受A股拖累，噚日大跌401點，應該係期指結算鬥法嘅結果，結算之後港股料偏好。
玖紙C輪18603：玖龍紙業（2689）昨收13.98元，升0.14%。股價上禮拜試完20日線回升，維持一浪高於一浪走勢，下一站睇17元，可以諗吓隻C輪18603。
隻輪現價35仙，2010年3月26日到期，行使價11.60元，溢價8%，引伸波幅71.6%，有效槓桿2.9倍，正股升上17元，18603有機見59.6仙，如果正股跌穿13元，就沽咗隻輪止蝕。
俊樺