黎燕珊前晚到鑽石山出席長者活動，稍後佢會參演舞台劇為長者籌款，仲會主唱舞台劇主題曲，問佢又唱又演會否有壓力？黎燕珊話唔會，自己都係以平常心盡力而為，仲自爆一向好有興趣唱歌。今次活動係幫老人癡呆症患者，黎燕珊嘅老父當年未過身時都有老人癡呆，佢坦言回想當日應該抽多啲時間陪老父。