一向前衞嘅何超儀，早前應邀擔任雜誌《號外》嘅封面，今次雜誌主題係講狂人日記，有關方面一致覺得超儀嘅性格同行事作風都好貼題，所以搵佢做封面人物。當日超儀被問到對瘋狂嘅睇法，佢直言近年香港人缺乏創意，反而80年代嘅人仲大膽，超儀希望新一代年輕人可以乜都肯去做嘗試，咁先可以有新火花。