花旗股市前晚先跌後反彈，道指雖然跌17點收市，但已經收復近百點失地，感恩節假期臨近，看來上試10500關嘅時間已經來到。
A股同港股前日勁跌，噚日齊齊反彈，如果冇新嘅壞消息，港股呢兩日可以睇好啲，噚日升市有近800億元成交，好友似乎已經準備大反攻。
江銅C輪18101：江西銅業（358）昨收20.65元，升2.7%。股價近日喺10日線整固，噚日開始郁動，短炒睇23元，可以諗吓隻C輪18101。
隻輪現價24.1仙，2010年4月16日到期，行使價22.88元，溢價22.4%，引伸波幅62.8%，槓桿率8.5倍（有效4倍），正股升上23元，18101有機會見36.6仙，如果正股跌穿19.50元，就沽咗隻輪止蝕。
俊樺