自從呂方同鄭裕玲（嘟嘟）喺上年分手後，由原本好深閨嘅住家男人，到今時今日經常俾人影到出夜街嘅相，無他嘅，得一支公對住四面牆其實都幾悶o架。
前晚8點幾，呂方就同老友林利以及另外一男一女朋友去北角嘅富東海鮮飯店食飯，車就泊喺門口，非常方便。
獨自返屋企
咪睇間酒家喺天橋底，其實飯店老闆係阿一鮑魚楊貫一嘅徒弟，最出名係阿林炒飯同鮑汁鵝掌，連一哥都不時落嚟品嚐。至於呂方同林利等一行四人喺飯店食咗大約個幾鐘後，戴住茶色眼鏡嘅林利就一馬當先行出嚟，之後佢哋喺條街商量下場去邊度。
最後林利上咗男性朋友架車，女性朋友就上咗呂方架寶馬，等佢唔使一個人咁悶吖，最後一行人去咗朋友堅尼地道嘅寓所，不過呂方上咗樓唔夠20分鐘就自己開車離開，返去大坑嘅屋企，繼續發揮住家男人本色。