新鴻基地產（016）執行董事黃奕鑑今年6月已經講咗話要退休，享受人生，明年1月1日起改為出任非執董，新地噚日又宣佈，委任黃奕鑑做集團首席顧問，話係為公司長遠業務發展同重大決策提供意見，都係明年1月1日生效。
出任集團首席顧問
新地副主席兼董事總經理郭炳聯透過新聞稿，讚揚黃奕鑑多年嚟建樹良多，表現出色，話「很高興黃先生日後能夠以集團首席顧問身份，繼續為新地的長遠發展提供寶貴意見」。
新地發言人就補充話，今次委任，可以令黃奕鑑以顧問角色，繼續效力新地，同時又可以開始佢嘅退休生活，投放更多時間追求個人興趣同埋參與社會公益服務。之但係，新地點解隔咗幾個月先委任黃生做顧問嘅呢？