天主教香港教區榮休主教陳日君樞機對不平事睇唔過眼,經常同人隔空對罵,喺電視、報紙上嘅形象凶神惡煞。樞機前日出席中大一個交流活動時話,教會裏面有班小朋友有次問佢,「點解你見到我哋就微微笑,喺電視度同人嗌交個樣又咁惡嘅?」樞機答:「咁我同人嗌交吖嘛,唔通我一路嗌住一路微微笑咩,邊有人咁o架。」樞機又話,有位婆婆隨身帶住念珠,每次見到主教喺電視度出現,就即刻念經,「主教,我為你祈禱,驚你又講錯嘢呀!」樞機即時點醒好心婆婆:「阿婆,你遲o架喇,你睇嗰個係錄影嚟o架,你睇嗰陣,錯嘅嘢已經講咗o架喇。」