道聽塗說嘅消息一向唔係好可靠，如果唔查真吓真係好易俾人昆！好似近日有報道大字標題話「易建聯與模特兒李亞紅（圖）戀情曝光」事件咁，亦唔知係咪淨係根據「路邊社」消息就當係真！我求大俠發現原來呢單戀情已經係過去式，皆因男主角易建聯喺接受《新浪網》訪問時，證實係同過李亞紅有一段情，之但係喺一年多前已經分咗手，所以話佢哋「戀情曝光」嘅字眼似乎有欠公允，「過氣女友」似乎先至啱喎！易建聯嘅經理人陸雨仲話呢件事已經過咗咁耐，唔希望傳媒再失實炒作咁話，我求大俠都覺得陸雨言之有理，家易建聯效力嘅網隊已錄得13連敗，再煩佢，最快下周傷癒復出嘅阿聯點打救球隊呀！