昨晨埋首在互聯網關心美職決賽現場實況，捧我最尊重嘅當代足球員碧咸場，可惜銀河終因互射12碼飲恨，未能一圓美職冠軍夢，彷彿令我感冒多天嘅病情加劇，暈得一陣陣。球場上英雄地，同一班大部份屬英甲水準嘅戰友並肩作戰，仍滿腔熱誠，打止痛針紮住上陣，輸了也無愧於心。今天歐聯大場面，我寧取簡單正路得多嘅英甲，玩吓波膽，重心捧一、二哥列斯聯串查爾頓。
「尊重」一詞，不能濫用，法比加斯視雲格為父親，後者帶佢出身助佢成名，我信唔係咁容易用幾千萬歐元就可以輕易俾人撬走。好波亦唔代表受人尊重，欣賞NBA一代球星艾華遜在場上澎湃嘅爭勝決心，但他個人品行場外行為實在不敢恭維。迪科爾一場入5球固然成為英格蘭明年爭世界盃冠軍嘅新希望，但他只限場上好波，場外屢犯官非，與警方鬥智鬥力。
列斯聯查爾頓主W穩
有便宜唔使洗頸，見「現在台」加播西甲又唔使加錢，多晚深宵捧場，終被病魔侵襲。未來兩天歐聯，對我嚟講多屬無關痛癢比賽，係時候高掛免戰牌，早啲收工休息，故策略要調整至攻英甲正路波會較合。兩隊超班波列斯聯同查仔俱主場出擊，分迎奧連特同布里斯托流浪，單W二串一唔算冇肉食；進取者博晒兩場「主勝」都得。（下次見報日：周三）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二9查爾頓勝（1.6）x星期二14列斯聯勝（1.28）
星期二9查爾頓勝3:1（12），4:1（30）x
星期二14列斯聯勝2:0（6.5）,3:0（8.5）2x3
簡評：歐聯埋身，我今天偏愛賭英甲正路波