鍾鎮濤女友范姜懷上第二胎，她昨日挺着8個月大肚，與女兒鍾懿出席活動，分享新生命改名樂。女兒鍾懿提議改名「中三」，范姜則想改名Ginger，卻被取笑似狗名。明年1月預產期的她，又謂會擇日開刀連坐月趕及過農曆年。
每年為聯合國兒童基金會（UNICEF）搞籌款計劃的Gucci，今年找來MichaelRoberts設計童話書《SnowmaninAfrica》，昨日推出在中環店舉行宣傳，吸引了多位父母級名人明星捧場。
怨學校揀學生
懷胎8個月的鍾鎮濤女友范姜腹大便便，帶着女兒鍾懿到場，她透露預產期在1月，她說：「家重咗20磅，預產期係1月24日，不過我會擇日開刀，計埋生完、坐月，啱啱過年，阿B已經為我放咗幾個月假。」范姜表示沒特別戒口，魚生、壽司照吃如常，阿B之前笑言BB改名鍾三（中三），原來是鍾懿（中二）提議，范姜說：「佢又諗咗個英文名Eloise，係法文嚟，來自一套卡通片嘅小朋友，我話不如叫Ginger（薑），佢即刻話係狗名。」
范姜開心透露鍾懿非常錫胎中BB，不時摸肚、聞肚，更日日問她BB幾時出世。家庭生活趣事多，問會否再生，她說：「唔會喇，淨係照顧鍾懿已經好花時間，B哥陪足5年，為考小學時見校長、見老師。家啲家長為小朋友入學，驚到出紅疹、甩頭髮，我都緊張到瞓唔着。」她更埋怨說：「冇理由學校揀學生，希望可以學生揀學校。」
方中信親買餸
方中信單拖出席，原來莫可欣帶了女兒去迪士尼親子活動，方中信也表示享受家庭生活，他說：「我等陣去街市買餸，今晚打邊爐。」
採訪：JessicaNgan
攝影：ChenWaiOn
