【本報訊】03年沙士疫情，令香港幾乎陷入「死城」困局；不少商店、食肆因生意差被迫暫停營業，裁員潮不絕。當年有食肆老闆，就算關門停業又沒錢出糧都仍要求員工繼續上班，為的只是希望免費提供一日三餐予員工，並在店內麻雀耍樂暫忘煩憂。沙士後餐廳每晚座無虛設，但無一個員工提出半句怨言，默默工作報答這個好老闆。
無錢發薪招呼三餐
勞工及福利局局長張建宗昨日出席企業社會責任香港論壇2009，大談良心僱主對推動公司發展的重要，「沙士時好多企業都出唔到糧，我去過一間食肆探訪，個老闆對員工嘅舉動令我好感動，差啲令我喊咗出嚟。」
張建宗說，該名餐廳老闆沒生意，又沒有錢發薪予員工，但因雪櫃內仍儲存很多食材，仍要求員工繼續上班，「佢要啲員工繼續煮嘢食，每一餐都免費畀佢哋食，仲可以打包返屋企，又畀員工打麻雀傾偈開心吓。」沙士後該餐廳生意好轉，每晚座無虛設，「晚晚都翻三轉枱，但員工從來冇怨言，因為佢哋知道乜叫做投桃報李。」
飲食業職工總會秘書長李國華亦表示，沙士期間不少飲食集團例如稻香、聯邦，及豪華等屋邨酒樓，就算生意難做都堅持不裁員，「真係好唔掂時先會同員工講要減人工，或者放多幾日無薪假，希望員工共度時艱，到沙士之後就恢復原狀。」
彈性工時託管子女
中小型企業佔本港商業機構總數超過98%，合計有超過27萬家，所僱用的員工超過117萬人。張建宗認為，員工是公司最寶貴的財產，建議僱主推行彈性工作時間、五天工作及或設子女託管服務等安排，「要畀員工感覺公司關心同體諒佢哋，亦都有人情味，員工就唔會成日掛住屋企而分心，唔會只係為咗餬口而工作。」