3香港噚日宣佈，同台灣KKBOX獨家合作，喺香港同澳門同步推出全球最多華語歌、首個支援iPhone同Android手機嘅KKBOX音樂服務。呢個服務雖然幾好玩，但華華比較有興趣嘅係KKBOX嘅老闆Lambert簡民一，事關佢就係台灣「經營之神」王永慶外孫。
進軍內地有阻滯
喺史丹福畢業嘅Lambert，自立門戶搞數碼音樂生意，04年創立嘅KKBOX，前年已經有錢賺，仲成為台灣合法線上音樂品牌一哥。而除咗香港，仲plan緊進軍中國內地，不過由於知識產權同版權呢啲問題，喺內地係一個幾惡搞嘅題目，所以短期內好難成事。
睇Lambert個樣雖然斯斯文文，但相信私底下應該都幾玩得，唔係又點會夠膽拍住和記電訊一姐龍佩英一齊唱TopOfTheWorld，示範點用佢哋個動態歌詞卡拉OK服務呢？