【本報訊】下年小一自行派位結果昨日公佈，今年逾2萬名學生成功獲分派學位，但成功率不足五成，為12年來最低。去年受金融海嘯影響，不少家長放棄報讀學費較高的私立或直資學校，但隨着經濟回穩，部份家長重投直資名校懷抱，有人為讓兒子入學更不惜搬家。但有地產代理預期，生意不會因此有所增長。
9人爭喇沙一學額
各小學昨晨陸續公佈取錄結果。傳統名校喇沙小學學額只得90個，平均9人爭一學額，家長蔣先生為了讓兒子入讀該校，早前從將軍澳搬至九龍城，租金由近9,000元增至1.2萬元，不過依然失敗。「我係乜嘢分都冇得加嗰種，派位年年成功率都低，咪當碰下運氣。」從事零售的他稱，金融海嘯時曾擔心被公司裁減，但現在仍保住飯碗，因此決定為兒子選報較好的直資學校。
同校網另一名校瑪利諾修院學校（小學部），陳先生的女兒未獲派位，他考慮讓女兒入讀另一直資學校：「報咗五間直資同私校，對政府津貼學校同新學制都冇信心，將來會送個女去外國讀書，培養佢嘅國際視野，唔好似某啲十優狀元咁冇乜常識。」同樣申請瑪利諾不果的家長陳女士表示，下月將安排全家由牛池灣搬至九龍城，盼於統一派位階段得手，「大屋搬細屋o架，得番四百零呎，無法子，要能屈能伸！」
名校區物業交易增
美聯物業太子道分行經理黃貴生表示，九龍城校網區近期生意較兩個月前增長一至兩成，成交以賣盤為主，「大部份買家都唔係下年小一（家長），而係仔女再後生啲嗰批，諗定以後嘅長遠發展，我哋都唔會特別期望成交有增長，因為過往呢區一直好平穩。」中原地產研究部聯席董事黃良昇亦認為，雖然海嘯漸過，但打工仔薪金未見回升，相信名校網物業交易不會因而激增。