去東北一趟，就知大陸天然氣確實唔夠使。早幾日去過東北某二線城市，氣溫零下十幾度，個別酒店暖氣居然十分微弱，過慣熱帶生活者，真係凍到縮埋一嚿。炒股體驗生活，今次之行，感覺當局遲早要檢討天然氣價格，所以，燃氣股可留意。
黑龍江煤礦大爆炸事故，震撼全國，今次事故肯定會令煤炭業整合步伐加快，從煤炭股昨悉數炒上便可見一斑，神華（1088）及兗煤（1171）分別升2.7%及2.2%，收報39.30元及15.30元。
開礦係高風險行業，今年9月河南省某煤礦發生致命爆炸，當局亦即時緊急下令省內其他煤礦停工以進行檢查，產煤基地位於該省的合動能源（578）旗下4個煤礦亦先後暫停運作。
不過，其中向陽煤礦已恢復運作逾月；另外集團亦與當地國企組成合營，從事煤炭安全生產管理等技術諮詢，藉此與煤炭主業產生協同效應。該股昨升3.1%，收報0.495元，後市升勢能否再續，要視乎旗下其餘煤礦幾時重開，可列入投資觀察名單。
方星俠