娜姐又有新搞作。講緊嘅係狄娜唔係麥當娜，係曾經喺內地經營飛機導航系統嘅狄娜，自傳式著作出完一本又一本。繼年中嘅《戰道──北京大商戰》之後，下集《戰道──國際大商戰》亦已面世。新作憶述狄娜多年走遍世界各地，喺國際商界耳聞目睹嘅逸事。
香港政改拗到面紅耳熱，狄娜喺書中想當年，講到香港就快回歸嘅時候，末代港督彭定康推出嘅政改方案；佢引述當年消息話，中英就政改談判期間，英方曾經強烈暗示，只要中方肯開放內地民航導航系統嘅招標程序畀英國公司競投，政改萬事有商量。
若然消息係堅嘅話，香港人真係好可憐；回歸前後，香港人始終無權當家作主。