化妝界有倉木麻衣做新丁做化妝代言，潮流界都有另一新丁---——夏至（MiniChoi），最近就由DJ界別轉型潮店推出自家設計Tee。幕前演出用本名Mini，最近回復自由身就以筆名夏至行走江湖，呢期最新搞作是畫畫，仲將她的新作印在Tee上，她解說：「我的筆名夏至，一直以歌詞表達創作，但創作不限於文字，夏至Tee就是用插畫及Tee作為表達的媒體，是一種介乎潮流及藝術之間的PopArtProject。」畫作四不像，小記睇極都唔知係乜東東，一心打算夏至可以開估，點知佢話：「其實呢幾隻嘢，我都無特定給予身份，我唔會話你知佢係乜，隨你諗，你覺得佢似乜就乜。可能在不同的環境心態，這些圖畫都代表不同的東西，我想畀大家一啲空間去想像，呢個就係我的畫作背後理念。」今次的Tee出品未算多，只得五款，但製作很認真，全部由日本印製，遲些還有她的拍檔Michael推出PhotoPrintTee。
記者：葉雪芯
Hajishop（28911164）
銅鑼灣霎東街19號3樓