今時今日嘅年輕人，基本上喺溫室長大，唔使點捱，有咩嘢就由父母搞掂晒，而呢種情況亦喺歐洲球壇好常見，一啲年紀輕輕嘅球員雖然搵到錢，但咩都唔識。曼聯後衞加利尼維利就炮轟呢類「o靚星」，幾乎所有事情都依賴經理人幫，好似簡單到去銀行開個儲蓄戶口、買個新雪櫃等，都要經理人出手相助，更何況要求球會加人工呢啲關乎自己利益嘅事情。加利佬仲大彈「o靚星」俾啲經理人喺佢哋嘅人工抽成15%佣，就係做一啲同保母冇咩分別嘅事情，簡直係浪費辛苦賺番嚟嘅血汗錢。我求大俠都覺得現今球星經理人權力過大，完全控制呢類「o靚星」，一定要正視。