港股上禮拜喺23000水平爭持咗幾日之後回落，淡友小勝一仗，恒指回試10日線。港股7月以來，多次調整都要落番20日線先至反彈，今次如果都一樣，恒指有機下試21700，不過，呢個水平同恒指現價只係相差約750點，港股後市睇好，就算真係要試20日線，都只係一次入貨機會。
中油C輪18043：中油香港（135）上周五收報8.94元，跌0.2%。股價上禮拜四以大成交大幅炒高，周五整固，有機反覆上試11元，可以諗吓隻C輪18043。
隻輪現價21.3仙，2010年12月30日到期，行使價10元，溢價35.6%，引伸波幅66.9%，有效槓桿2.4倍，正股升上11元，18043有機見34.4仙，如果正股跌穿8.20元，就沽咗隻輪止蝕。
俊樺