【本報訊】「投到嗰刻，真係開心到飛起！」斥300多萬港元投得米高積遜水晶手套的馬浩文本身是個典型MJ迷，每首歌也倒背如流，《Thriller》的喪屍MV更是百看不厭，「我本來安排咗去倫敦，睇佢最後一個tour，家當然覺得好遺憾。」
「最鍾意《Thriller》」
現年36歲的馬浩文10歲左右聽到《BeatIt》，就瘋狂迷上MJ，「佢嘅歌見證咗我嘅學生時代，最鍾意一定係《Thriller》，個video可以一日連續睇好多次，買齊晒所有CD。」他原本打算飛往倫敦看MJ的《ThisIsIt》巡迴演出，可惜偶像未及演出就猝然離世，是其人生一大憾事。
偶像今年6月離世後，馬浩文密謀四出搜羅其遺物。他在今次拍賣會結識了MJ生前的私人繪畫導師及多個收藏家，現正邀請他們提供部份收藏，為旗下酒店的MJ展區陸續添置新展品。
馬浩文是澳門實德主席楊海成的外甥，楊海成則是楊受成的胞弟。馬透露，他與楊海成同是MJ超級粉絲，早年經常在網上競投其物品，「我以前上網投係貪得意，MichaelJackson過咗身之後，希望可以儲多啲。」兩人的珍藏也會放在十六浦MJ展區，公諸同好，馬笑言楊熱愛MJ的程度更瘋狂，「佢可以同一個巡迴表演，睇晒咁多場。」