昨日27歲生日的蔡卓妍（阿Sa），前晚率先開派對慶祝，但踏正12點阿Sa切蛋糕一刻卻遇上警察巡查，幸好未受影響。當晚眾人以rock友扮相出席，個個似模似樣，當中以阿Sa的好姊妹鍾欣桐（阿嬌）的金髮LadyGaGa造型最搶鏡。
蔡卓妍昨日27歲生日，雖然男友鄭中基身在外地工作未能陪伴，但前晚公司為阿Sa在中環舉行派對慶祝，好友以rock友造型出現，包括鄭希怡，關智斌（Kenny）、張致恆（Steven）、周麗淇和陳偉霆（William）等，前日生日的William都一同慶祝，他戴上假髮、假紋身衫和化上smokeyeyes妝容到場。
警察查牌贈興
阿Sa以新碟的rock妹造型出現，容祖兒演出完港台音樂會匆匆趕至。臨近凌晨12點，鍾欣桐（阿嬌）以金髮look及黑裙到場，上樓陪阿Sa切完蛋糕再落樓接受訪問，她笑說：「我呢身造型係LadyGaGa，我準備一套化妝掃送畀阿Sa，仲親手造咗兩個蛋糕畀佢哋，所以先搞到咁遲。」切蛋糕時有警員上樓巡查，事後經理人霍汶希（Mani）表示當警員知道是阿Sa生日後便離開。
Kenny願服侍軒仔
至於斷背情人張敬軒的菲傭失蹤，Kenny笑言如果軒仔可以出2,000蚊日薪，他可以代勞做家務，Kenny笑稱：「佢對人太好，畀一個月糧佢，又唔使人做嘢，人哋悶咪走囉。」
此外，阿Sa昨日生日在北角開工，加入鍾麗緹代言的瑪花纖體，大會送了一個27個廣告造型拼成的相架及5個barbie公仔蛋糕做禮。阿Sa說：「好開心，7位數字代言一年，開工一日等如做10幾單。」問到阿Sa老竇在鄭中基任幕後揸fit人的金牌大風返工，阿Sa初時辯稱只是爹哋簽了新人，其後有指Sa爸已經派金牌大風卡片，她即尷尬說：「佢冇派卡片畀我，佢都有自己自由。」問她有否幫手搭路？她說：「佢仲social過我。」指鄭中基行外父政策，阿Sa甜笑說：「唔係呀，都係做嘢咋。」
採訪：卓寶花、顏英儀
攝影：黃偉雄、仇志德