想當年，日本車手谷口信輝（圖右）揸住架豐田Atezza鬥東望洋房車賽，比賽後佢喺葡京彎玩飄移嘅高超技術，至今仍印象難忘。呢位7年前喺呢度攞第4嘅38歲車手，今年都有玩WTCC，風采依然嘅佢仍然好受車迷歡迎，唔少「識貨」之人都有問佢攞簽名，握手合照當然冇問題啦。可能近年WTCC水準越嚟越高，今次谷口信輝兩回合分別只得18及15位，有少少令人失望。