姚煒去年受洗成為基督徒，前晚她在元朗出席佈道會，分享自己的人生經歷，自爆小時候捱窮捱苦，前半生只想搵錢。姚煒在台上說：「我出生50、60年代，爸爸係裁縫屋企好窮，係連屋企都冇嘢食，我哋一家7口屈喺100呎屋，阿媽生第7個時，難產死咗，我12歲就擔起頭家，我個心只係諗住要賺錢，要做阿媽嘅角色，照顧細佬妹。」
心靈一直空虛
其後姚煒加入娛樂圈，拍了《金大班的最後一夜》，又與富商趙世曾生下女兒趙式芝，但一直心靈空虛，她說：「以前我好現實，細佬係牧師、老五係教會執事，佢哋同我傳教，我會叫佢哋shutup。幾年前開始，我開始覺得生存有乜意思？」她受朋友影響到以色列旅行，更在約旦河受洗，姚煒說：「改變咗我嘅人生，娛樂圈嘅人都係普通人，只係通過包裝啫。」
採訪、攝影：JessicaNgan