鄭伊健和導演彭順昨日在黃埔出席電影《風雲Ⅱ》主題K房揭幕禮，由於主角之一郭富城缺席，故此彭順代替城城跟伊健一起在冰雕中拔出絕世好劍和雪飲刀。
伊健看好票房
早前有傳彭順女友李心潔懷孕，對此彭順否認說：「邊度有BB，結婚都冇咁快住，幾時會結都唔講得住，總之冇咁快啦。」再追問他何時榮升父親？他卻答得似是而非，他說：「我個仔係就快出世，咪《風雲Ⅱ》囉，孖胎㖭呀，兩個都係仔，命中注定係仔。」
談到事隔11年再推出第二集《風雲Ⅱ》，伊健依然看好這部電影票房有好成績，但不肯預測票房數字，他說：「雖然有好多強敵，但我對呢部戲好有信心，冇必要預測收幾多，好快都揭盅。」
採訪、攝影：魯萍