劉德華、陳奕迅（Eason）、容祖兒、軟硬和張敬軒，前晚到會展出席「麥當勞愛心童樂日2009音樂會」。早前有內地消息指華仔因狂迷楊麗娟父自殺，要看心理醫生，前晚華仔承認說：「唔止我，連公司同事及歌迷，都因呢件事一齊睇心理醫生，不過只係睇咗一次。」
軒仔菲傭失蹤
問華仔是否因此事而令他不敢公開已婚一事？他聞言說：「唔好拉埋一齊講，唔存在呢個問題。」華仔直認也有情緒低落時，但通常睡一覺便冇事，甚少有情緒問題。問他是否靠寫書法來抒發情緒？他笑說：「乜都有，打波睇電視睇周星馳，好簡單就得。」
同場的張敬軒透露家中菲傭突失蹤，音訊全無，他說：「雖然佢工作態度麻麻，但我都當佢係家人咁，所以都有喊過。」問到軟硬請傭人時有否出現過問題？林海峰笑說：「我連遺囑都寫埋佢，當佢家人咁，又有房瞓喎，如果走咗咪裝防盜囉。」
採訪：馬建華
攝影：仇志德
