上周日一早一夜推介大豐收，今次當然要食髓知味，日本同巴西波已去到尾聲；呢個時候，小弟認為最值推敲。早場捧篤定降班嘅千葉市原打身價波擋東京，同川崎前鋒贏波上番「1哥」位；夜場鋼膽屬挑戰巴甲榜首嘅法林明高，氣走戈亞斯，攻主隊贏波波膽。
呢個世界冇焗賭，攻完正午12點日本早場，將心力放番喺沙田日馬大場面最合。近期聽到唔少中唔到大摩馬、反怨呢位香港馬壇霸主玩「摩法幻影」嘅聲音；我自少睇馬，已見到佢調兵遣將嘅超凡功力，頂班馬長年夠多夠勁必出馬海戰術，令人眼花繚亂，不知誰是王者興；但跟了廿幾年，其實都慣了，打戰略合法嘅，有何不可？而且小弟賭馬只屬雞仔注博冷，佢玩底出仲啱我，所以創惑，鳥語花香同上個禮拜嘅閒話一句嘅頭馬，我都唔會走雞。賭獨贏兩倍W嗰啲，係大戶所為，人夾人緣，呢個冠軍馬房夾晒我八字。
再敲巴甲3:1波膽
賭波都係搵成日贏到錢嘅聯賽出擊，今天日聯，已篤定降班嘅市原迎戰早前奪日聯盃後，似散晒嘅FC東京，冷W同[+1]任君選；市原旗下嘅主將也要搏盡搵出路。至於愛隊前鋒要攞番個「1哥」位，今天對包尾嘅三神，攻半全場最好分；巴甲，當然捧最旺嘅法林明高，希望翻冧小弟上周中正嘅國體會嘅3:1波膽。（下次見報日：周二）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日1千葉市原勝[+1]（2）
星期日2大分三神和/客（4.2）、主/客（22）x
星期日53法林明高勝3:1（10）、3:2（18）2x3
簡評：前鋒客W冇乜值博率，不過玩吓半全場