大好周末，唔想24小時玩電腦打機又或呆坐看電視等發霉，就要搞搞新意思。最近有不少遊戲唔單止可以大班朋友一齊玩，就算得自己一人做孤獨精亦唔憂悶。而且唔使用腦單靠運氣嘅，有；考腦筋考體力考個人平衡嘅，都有。悉隨尊便對號入座。
記者：林佩婷
攝影：伍慶泉
Model：Ruby、Water
鳴謝：麥迪奧派對用品專門店（23428887）
周街格鬥
以電子格鬥遊戲來講，街頭霸王可算歷久不衰。可惜打機只能局限在室內，未能時刻鍛煉絕招。新出的迷你手掣，方便拎出街，只要拎你喜歡的人物手掣，包括春麗、龍等，無論搭車甚至旅行，隨時隨地操練絕招，練啱仲有聲音配合，帶住上街做你的街頭霸王。
考力度平衡
若果你同宮劇的三好一樣，有一雙巧手，就最啱玩層層叠、考平衡或力度的小遊戲，當中以街霸手掣最過癮。
迷你擂台
看日本遊戲節目經常有橫砍積木的環節，現時則有個迷你版的筋肉擂台遊戲，同樣考手勢。
搬運芝士
半圓底盤已難平衡，加上三角形的芝士積木，要在左搖右擺下將芝士叠好，令小老鼠放到最頂實有一定難度。
搖動熊仔
外形似足熊仔餅的平衡遊戲，依所擲骰仔把熊仔叠於上、中或下格，擺位及餅仔本身都非常纖薄，稍有閃失便失衡。
保持中立
看似平平無奇的平衡桿，其實已進化成改良版，只要略有失衡就即時發出聲響提示，包保玩得公平。
叠出A膊
超細粒的A字層層叠，有多種叠法，難度最高應該是單條叠A柱，因為一陣風都能吹塌。
考運氣動腦筋
醒目仔醒目女，當然愛玩須動腦筋的玩意，如鬥快拼砌等。若你任何方面都唔夠標青，但只要夠運，一樣可以做大贏家。
雞同鴨講
將獎門人其中一個猜題環節化成紙牌，先抽一張詞語卡，再抽一張表達牌，隨時利用語言、動作、畫圖等表達，最刺激是加個沙漏計時，領悟力差少少真係雞同鴨講。
立體拼圖
當平面砌圖已經難不倒你時，立體拼圖可以為你帶來新挑戰。美味布甸及巨型珍寶珠砌圖，看似配件少少，但其實想完整砌出有一定難度。
朱古力麻雀
幾個人呆在家沒事做，最好開枱打麻雀。反傳統的朱古力造型麻雀遊戲，特備一個大盒，從中抽取配對，考運又考腦筋。
a.激玩部落（ http://www.partygame.com.hk/）
b.JCShop（31022783）
c.city'super（25062888）