胡杏兒曾以水着look擔任纖體公司代言人，近日她再度拍攝瘦身廣告，今次走高貴型格路線，不再以三點式示人，雖然造型較上次密實，但酬勞反而有增無減。問胡杏兒會否效法周秀娜推出人形攬枕或牙刷再賺一筆？她直言沒本事也沒膽量。
胡杏兒日前飛到日本為無綫新劇拍外景，返港後仍未有機會休息，日前她便到柴灣拍攝纖體廣告，其實胡杏兒早已拍過瘦身廣告，當時還以三點式示人，不過今次造型未有再進一步，反而只穿低胸短裙，較上次密實，胡杏兒說：「我今次以全新感覺示人，公司一向都幫我嚴選，最緊要靚同健康。」
胡杏兒坦言消費者會很信任代言人，所以她很重視公司信譽和效果，問她有否試用過？她說：「我啱啱喺日本拍完劇返嚟，除咗拍劇，平時都係吃喝玩樂，講真都肥咗唔少，所以返嚟我都有用機減肥。」
滿意酬勞
拍攝當日，胡杏兒穿上低胸短裙出現，她坦言想展示另類性感，並表示不一定要穿三點式才能展示性感感覺。那麼有否加酬勞？胡杏兒直言有，價錢還令她相當滿意。
不少o靚模賣肉爭飯碗，胡杏兒笑稱自己信譽良好，外界對自己都很有信心，故此毋須刻意性感做招徠。會否效法周秀娜推出人形攬枕和牙刷等用品？胡杏兒笑說：「我真係冇膽量，留番畀佢啦，攬枕嗰啲都係唔需要喇，畀後生女啦，不過我真係送兩個字畀佢，係『佩服』。」
採訪：楊潔雯
攝影：陳俊強