上月盟主
禮拜三晚因喺辦公室，無法去大球場睇港日之戰，本港電視台又冇得直播，結果近在咫尺嘅一場球賽，最後要上網睇，斷斷續續、窒吓窒吓咁睇住港隊吞4蛋。
本地電視台播英超、意甲，甚至日聯都有得播，但偏偏最埋身嘅香港隊賽事就欠奉，足總為執番嚿錢，寧願早開波兼捱球迷鬧都唔計較，想睇直播嘅球迷真係冇晒符。
羅生賽後喺部落度講到港日足球水平相差10年，筆者就認為太過保守，因為不進則退，今日10年，他日已是20年。
日本隊戰力提升當然有好多配合，國家隊備戰計劃周詳，已是港隊管理層難以跟上，友賽荷蘭、多哥、蘇格蘭，無論輸贏，至少能累積寶貴經驗。你話香港要約戰強隊冇人理？怎不向歐洲3、4線國家隊，或者近年發展迅速的東南亞國家埋手。怕冇號召力？筆者卻另有睇法，如果港隊能夠國際賽贏波，已是一種吸引力，又可激活世界排名。
鹿角兩主力停賽戰力減
至於日聯進入倒數階段，筆者覺得排第2嘅鹿島鹿角今周存暗湧，皆因前後主力岩政大樹同馬昆奴斯都停賽，戰力大減，又要作客，隨時失分。事實上，首循環鹿角主場時已經贏得好險，先落後一球劣勢下，因不死鳥打少1人，才喺最後6分鐘連入兩球，反勝2:1；相信不死鳥最少和波，[+1]自然捧「主勝」。
護級組方面，最後一個降班位非柏雷素爾或大宮松鼠莫屬，前者形勢較危，但決心大，反而對手新潟天鵝日皇盃打入最後8強，全力爭盃，信柏雷素爾搶分成功，[+1]博他們開「客勝」。
戰鬥員A
近5場往績：WLWLD