上月燈神
喺廿幾年前區區讀小學嘅年代，每年都有啲體壇大日子，澳門大賽車係其中之一。
當初留意澳門賽車源於父親係車迷，老竇返工做仔嘅當然義不容辭扮孝順幫佢錄低嚟睇，好自然順便比賽。頭一兩年記憶模糊，淨係記得朝早睇到瞓着，到晏晝起身仲有比賽，好熱鬧；人越大，聽住陳尚來嘅精采評述，加埋啲車五顏六色幾吸引，仲有「大哥盃」睇明星，於是逐漸投入。
事隔多年，自己始終係賽車門外漢，亦唔會年年追睇，但咩髮夾彎、葡京彎、東望洋賽呢啲名稱、童年情懷，一世記住。
賽事係市道溫度計，想知環球經濟，包括香港喺海嘯後嘅復蘇程度，而我哋打工仔來年人工係碼加得嗰2.9%，睇比賽規模同氣氛或多或少見端倪，講到溫度計，意甲費倫天拿今晚喺殘兵兼有歐聯後顧情況下鬥冒起嘅帕爾馬，正正係紫百合係咪具備前4質素嘅溫度計，我就覺得ok啦。利物浦剋星祖維迪，應該就係今夜財星。
藍鑽石
近5場往績：WLWLW
主客和：費倫天拿勝
心得：紅軍剋星祖維迪復出