甘乃威示愛不遂解僱女助理事件，女當事人今個星期二以事件造成巨大壓力和焦慮，拒絕參與民主黨委託人權監察的調查，原來佢喺同一日，亦以相同理由覆信立法會議員話唔參與進一步調查。不過，內會主席劉健儀就繼續喺下個月9號提出譴責甘乃威議案，睇嚟事件仲未可以了結。
劉健儀提嘅譴責議案指甘威行為不檢，事件曝光後向傳媒發表言論前後不一、有所隱瞞，令公眾懷疑佢嘅誠信，又指甘威將親自評為工作表現良好嘅女助理示好被拒後解僱，處事不公。由於女事主拒絕作證，估計通過動議機會唔大，但稍後議員辯論時，伺機潤甘威一餐嘅場面應該少不免。