琦琦、任達華昨日為銅鑼灣利園宣傳聖誕購物，試玩巨型玩具棋。任達華一臉倦容，原來他清晨6時才坐車由廣州回港，他透露和荷李活男演員、曾演出《深淵》和《未來戰士》的MichaelBiehn合作新片，苦不堪言，華仔說：「連續四晚喺廣州拍，地下都結晒冰，我嘅造型係污糟邋遢，好似軍訓咁，為求認真，件衫唔准換，唔准洗，淨係畀啲酒精你抹下，拍咗兩個月都係着同一件衫，晚晚冲凉都要用半支冲凉液。」
囡囡篤背脊
提起女兒任晴佳，華仔非常享受和囡囡在家玩遊戲，被罰都是樂趣，他說：「我好似岳飛，佢就喺我背部寫字，等我估。」他更買定barbie大飛機套餐給囡囡做聖誕禮物。
採訪、攝影：梁錦雯